199-vjetori i lindjes së studiuesit të përkushtuar të shqipes, filologut dhe folkloristit Dhimitër Kamarda

Sot shënohet 199-vjetori i lindjes, së studiuesit të përkushtuar të shqipes, filologut dhe folkloristit Dhimitër Kamarda.
Ai lindi në Horën e Arbëreshëvet në Sicili, më 23 tetor 1821 dhe vdiq më 13 prill 1882. Kamarda përmendet për veprën e tij “Saggio di grammatologia comparata sulla lingua albanese” (“Sprovë e gramatologjisë krahasuese mbi gjuhën shqipe”), një nga të parat vepra të filologjisë diakronike shqiptare, ku u orvat të provonte afrinë e gjuhës shqipe me greqishten, në kundërshtim me gjuhëtarin komparatist gjerman Franc Bop, i cili kishte demonstruar prejardhjen e drejtpërdrejtë indo-evropiane të saj më 1854. Kjo vepër u pasua nga “Appendice al saggio di grammatologia comparata” (“Shtojcë për sprovën e gramatologjisë krahasuese”), një përmbledhje këngësh popullore arbëreshe.
Kamarda shkroi edhe një gramatikë të gjuhës shqipe dhe botoi një libër me poezi shqiptare kushtuar Dora d’Istrias, me titullin “A Dora d’Istria gli Albanesi” (“Dora d’Istrias, shqiptarët”).

Burimi origjinal: http://www.gazetadita.al/kush-ishte-dhimiter-kamarda/?fbclid=IwAR32UvxfQKGZi6FCfhVPIWXwK_oaoMVcmR8IEUo3efAoIyNUW9a_Wfm9EvE