Kujtojmë sot me rastin e 328-vjetorit të vdekjes, kardinalin arbëresh Aleksandër Albani (1692–1779). Ai lindi në Urbino dhe vdiq në Romë. Ishte një nga pjesëtarët e familjes Albani të vendosur në Itali në shek. XVII. Sipas disa burimeve, të parët e Albanëve janë regjistruar në Urbino nga Kel Laci, i emigruar nga Shqipëria e Veriut në vitin 1664.
Më pas u vendosën në Romë me mbiemrin Albani dhe u bënë një nga familjet më të njohura të kohës. Prej saj doli Papa Klementi XI dhe shtatë kardinalë, më i njohuri ndër të cilët, Aleksandër Albani ngriti edhe Vilën Muze, që më vonë mori emrin e familjes (Vila Albani). Albani njihet si një ndër të parët në Itali dhe në Europë që krijoi muzeun me koleksione të çmuara nga antikiteti dhe arti bashkëkohor. Shumë nga veprat e Vilës Albani janë shpërndarë në disa nga muzetë më të njohur të Italisë e të botës (në Kapitol, në Luvër, në kështjellën Uindsor të Anglisë, në SHBA). Medaljet e mbledhura prej tij përbëjnë bërthamën e koleksionit në muzeun e Vatikanit.
Burimi origjinal: https://www.summerinitaly.com/guide/villa-albani
Albanian 
English 