Delegacioni shqiptar i përbërë nga anëtarë të Komisionit për Politikën e Jashtme në Kuvendin e Shqipërisë dhe përfaqësues të Qendrës së Studimeve dhe Publikimeve për Arbëreshët kanë zhvilluar një takim zyrtar me Rektorin e Universitetit të Kalabrisë z. Nicola Leone.
Gjatë takimit me rektorin Nicola Leone është diskutuar në terma konkret bashkëpunimi me Qendrën e Studimeve dhe Publikimeve për Arbëreshët (QSPA) në fushën studimore e akademike me fokus arbëreshët.
Në përbërje të delegacionit shqiptar është drejtoresha ekzekutive e QSPA-së, prof. Diana Kastrati dhe anëtarja e stafit, Adriana Pilaca dhe po ashtu, anëtarë të Komisionit për Politikën e Jashtme në Kuvendin e Shqipërisë, përkatësisht Znj. Mimi Kodheli (Kryetare e Komisionit për Politikën e Jashtme) dhe anëtarët Znj. Hatixhe Konomi, Z. Lavdrim Krrashi, Z. Kreshnik Çollaku, Z. Agron Gjekmarkaj dhe Znj. Ina Jano (Këshilltare).
Gjatë katër ditëve të qëndrimit në Itali, delegacioni shqiptar do të zhvillojë një sërë takimesh e vizitash zyrtare në ngulimet arbëreshe në Kalabri.
English 
Albanian 
