Qendra e Studimeve dhe Publikimeve për Arbëreshët (QSPA) ka për detyrë:
- Të jetë zëdhënësja e koordinimit të politikës shtetërore për studimin e historisë, letërsisë dhe kulturës së komunitetit arbëresh me qëllim bashkëpunimin e mëtejshëm shkencor e kulturor ndërmjet Shqipërisë dhe komunitetit arbëresh.
- Të ndërtojë një strukturë studimore dhe publikimesh për arbëreshët, bazuar në buxhetin e miratuar për të.
- Të vlerësojë dhe ndërtojë projekte të përbashkëta me operatorë të interesuar, vendas ose të huaj, në funksion të qëllimit të saj në përputhje me legjislacionin në fuqi.
- Të bashkëpunojë me katedrat e gjuhës dhe kulturës shqiptare jashtë vendit, për të realizuar të qëllimin e saj të promovimit të gjuhës dhe identitetit kombëtar të komunitetit arbëresh, në funksion të faktorizimit të tij në vendet pritëse.
- Të organizojë vetë ose në partneritet me palë të treta aktivitete dhe konferenca shkencore me fokus kulturën dhe historinë e komunitetit arbëresh.
- Të bashkëpunojë për realizimin e projekteve arsimore që kontribuojnë në përhapjen dhe promovimin e gjuhës dhe të kulturës amtare tek arbëreshët.
