Kujtojmë sot me rastin e 24-vjetorit të vdekjes poetin, përkthyesin dhe studiuesin Arshi Pipa.
Lindi në Shkodër, ku kreu dhe gjimnazin. Në vitin 1938–1942 studioi filozofi në Universitetin e Firences në Itali. Pas diplomimit deri më 1946, punoi si mësues i letërsisë në Shkodër e Tiranë. Për idetë e tij politike liberale u arrestua më 1946 dhe u dënua me dhjetë vjet heqje lirie. Menjëherë pas lirimit (1956) u arratis në Jugosllavi dhe dy vjet më vonë emigroi në SHBA, ku punoi në disa universitete, derisa doli në pension si profesor i letërsisë italiane në Universitetin e Minesotës në Mineapolis.
Pipa ka dhënë një ndihmesë të vyer në fushën e hulumtimeve letrare, sidomos në studimin e letërsisë arbëreshe. Veç një vargu artikujsh, ai ka botuar studimet: “Montale and Dante”, 1968 (“Montalja dhe Dantja”) dhe “Contemporary Albanian Literature”, 1991 (“Letërsia bashkëkohore shqiptare”). E një rëndësie të veçante për kërkimet në fushë të historiografisë letrare mbetet trilogjia albanologjike: “Albanian Folk Verse. Structure and genre”, 1978 (“Poezia folklorike shqiptare. Struktura dhe gjinitë”), “Jieronymus De Rada”, 1978 dhe “Albanian Literature: Social perspectivs” 1978 (“ Letërsia shqiptare: perspektivat shoqërore”).
Burimi origjinal: http://redaktori.net/24-vjet-pa-poetin-dhe-studiuesin-arshi-pipa/
Albanian 
English 