Biblioteka e Qendrës së Studimeve dhe Publikimeve për Arbëreshët (QSPA) vijon të pasurohet me tituj librash, periodikësh dhe materialesh të ndryshme shkencore mbi Arbëreshët. Së fundi, kësaj biblioteke i janë shtuar rreth 250 tituj librash të rinj, të cilat janë dhuruar nga Akademia e Studimeve Albanologjike (ASA) në Tiranë. Ky akt dhurimi vjen në vazhdën e zbatimit të marrëveshjes ndërinstitucionale të nënshkruar midis Akademisë së Studimeve Albanologjike (ASA), Qendrës së Studimeve dhe Publikimeve për Arbëreshët (QSPA) dhe Ministrit të Shtetit për Diasporës. Kjo marrëveshje konsiston në krijimin e infrastrukturës së nevojshme për kërkimin shkencor, si dhe rrjetëzimin e kontakteve dhe literaturës së nevojshme për studimin e thelluar të historisë, kulturës dhe letërsisë arbëreshe. Në këtë kuadër, ASA ka dhuruar një kontingjent prej 278 librash të botuara ndër vite nga ky institucion. Librat janë kryesisht studime mbi arbëreshët, ose libra të karakterit albanologjik, të cilat lidhen me aspekte që ndihmojnë në metodologjinë e punës dhe formimin e përgjithshëm akademik.
Kuvendi i Dytë i Studimeve Arbëreshe me temë: “Mbijetesa e Arbërishtes në shekullin XXI” – Forum mes aktorëve kryesorë
Në përfundim të një maratone dyditore kumtesash e prezantimesh u mbyll Kuvendi i Dytë të Studimeve Arbëreshe organizuar nga Qendra...