Qendra e Studimeve dhe e Publikimeve për Arbëreshët dhuron kopje të botimeve të saj Bibliotekës Publike “Marin Barleti”, të Shkodrës. Në një takim të realizuar ditën e djeshme mes Drejtoreshës Ekzekutive të QSPA Diana Kastrati dhe Drejtorit të Bibliotekës “Marin Barleti” Maxhid Cungu, u dhuruan nga 2 kopje për secilin nga katër botimet e QSPA. Të pranishëm në aktivitet ishte dhe një pjesë e stafit të QSPA. Të dyja palët diskutuan për mundësitë e bashkëpunimit në fushat e kërkimit shkencor dhe të botimeve. Në përfundim të takimit, zoti Cungu dhuroi për QSPA disa nga numrat e revistës Gegnia që boton Biblioteka “Marin Barleti”.
