Qendra e Studimeve dhe Publikimeve për Arbëreshët (QSPA), në bashkëpunim me Qendrën Albanologjike “A.Bellusci” si dhe me Komunën e Frasnitës, do të organizojë më datat 7-8 nëntor 2026 konferencën përkujtimore për figurën e nderuar të At Anton Belushit në 2-vjetorin e ndarjes së tij nga jeta me titull:
“Mbi kontributet e qenësishme të figurës emblematike të kulturës arbëreshe e pankombëtare, At Antonio Belushi”
Konferenca do të sjellë së bashku studiues, përfaqësues institucionalë dhe miq të kulturës arbëreshe dhe të Atë Antonio Belushit nga Shqipëria, Kosova, Italia, Kanadaja, Franca, Austria, Gjermania dhe vende të tjera. Përmes kumtesave dhe veprimtarive përkujtimore, do të nderojmë jetën dhe trashëgiminë e At Antonio Bellushit, si dhe kontributin e tij të vyer në ruajtjen dhe promovimin e gjuhës e kulturës arbëreshe.


