Rendi i kumtesave të ditës së dytë të veprimtarisë “Ditët e Librit Arbëresh”, në sesionin e parë u çel me kumtesën e Prof. Italo Sarro “Migrimi i shqiptarëve në Itali mes mitit dhe historisë”. Prof. Sarro në kumtesën e tij analizoi emigrimin e kolonive të para të shqiptarëve në Itali prej shekullit të XIV. Përmes dokumentimit të të dhënave të ruajtura në arkiva përpiqet të rikrijojë hartën e migrimeve, duke përqëndruar vëmendjen në mënyrë të veçantë në prezencën e shqiptarëvë në Kalabri dhe në rajone të tjera të Italisë.
Prof. Prof. Vincenzo Bruno në kumtesën e tij ‘Homazh për revistën “Katundi Ynë” për 52 vjet aktivitet të vazhdueshëm’ trajtoi rëndësinë e revistës arbëreshe me jetëgjatësinë më të madhe, krijuar në mars të vitit 1970 vazhdon aktivitetin e saj edhe sot.
Gazetari Rexhep Rifati prezantoi kumtesën “Arbëreshët: Fotosintezë e shpirtit tim” i cili është edhe titulli i librit të tij më të fundit i promovuar anembanë diasporës. Z. Rexhepi foli për eksperiencën e tij në vizitat e tij pranë ngulimeve të arbëreshëve në Itali.
Damiano Guagliardi, Francesco Perri prezantuan kumtesën “Salvatore Braile, poeti italo-shqiptar (1972-1960)” tekst i autorit Giuseppe Faraco dhe esesë historike “Un poeta scomodo – Salvatore Braile (1872-1960)” të autorit Damiano Guagliardi. (Me rastin e 150 vjetorit të lindjes së Salvatore Braile, poet nga San Demetrio C).
Në sesionin e pasdites vijuan me prezantimet e tyre Prof. Teresina Ciliberti dhe Prof. Francesco Perri prezantuan kumtesën ‘ANTONIO SCURA “Dhaskli” (1872-1928)’ mbi tekstin e kuruar nga Francesco Perri me rastin e 150° vjetorit të lindjes së Antonio Scura, mësues, pedagog, poet e shkrimtar, piktor-disenjator-fotograf. Costantino Bellusci paraqiti një reflektim dhe rrëfim të zhvillimit të trashëgimisë letrare në shqip që nga Vorea Ujko (Domenico Bellizzi) e deri te Pino Cacozza duke sjelle në mënyrë të përmbledhur studiuesit si D. Guagliardi, G.Gaetano, F.Altimari, C. Stamile, F.Marchiano, E.Tocci etj., që kanë kontribuar në sjelljen më pranë lexuesve dhe studiuesve figurat e kësaj periudhe të cilët kanë fermentuar dhe firmosur letërsinë dhe kulturën arbëreshe. Prof. Carmine Stamile në kumtesën që prezantoi ‘Shpirti i arbrit rron’. Kjo kumtesë paraqet kujtimin e poetit arbëresh Carmelo Candreva, një studiues i thellë i Francesco A. Santori. K. Kandreva është krijues i thënies legjendare “Shpirti i Arbrit rron!”, me të cilën emërtoi një nga vëllimet e veta poetike. Në përfundim të sesionit të ditës së dytë prezantuan Mariantonia Rimoli dhe Francesco Perri prezantuan kumtesën ‘Kostumi i gruas arbëreshe’. Kjo kumtesë paraqitet në kronikën historike të shekullit XIX dhe në botimet aktuale: Projeksione imazhesh historike e të reja dhe tekste të ndryshme mbi kostumin e grave.
