Qendra e Studimeve dhe Publikimeve për Arbëreshët (QSPA) përmbylli sot me datë 23.22.2022 veprimtarinë “Ditët e Librit Arbëresh” e cila u mbajt për tre ditë rradhazi në Tiranë. Objektivi i kësaj veprimtarie ishte njohja e prodhimtarisë artistike bashkëkohore arbëreshe. Drejtoresha e QSPA, Prof. Diana Kastrati e përmbylli këtë takim me urimin që veprimtari të tilla të bëhen traditë në vijimësi. Gjithashtu ajo shprehu mirënjohjen e thellë për pjesëmarrjen e 15 studiuesve arbëreshë në këtë aktivitet i cili u zhvillua përmes mbështetjes së Shoqatës së Komunave Arbëreshe (FAA). Drejtuesi i kësaj shoqate theksoi rëndësinë e prurjes së 500 librave me studime mbi arbëreshët një pjesë e konsiderueshme e të cilave do t’i dhurohen QSPA. Theksoi rëndësinë e një bashkëpunimi në vijim përmes së cilit do të forcohen urat e bashkëpunimit përmes konkretizimit me aktivitete të përbashkëta. Gjatë konferencës përmbyllëse të kësaj veprimtarie u parashtruan ide dhe diskutime në lidhje me ruajtjen dhe promovimin e kulturës arbëreshe, ku u pa e udhës që të intensifikohet më tej bashkëpunimi mes botës arbëreshe dhe QSPA, në mënyrë që të gjenden metodologji konkrete për zgjidhjen e problematikave të kulturës arbëreshe sot.
