Në kuadër të Ditës Botërore të Librit dhe të Drejtës së Autorit, sot më 23 prill pranë Fakultetit të Historisë dhe Filologjisë (UT), u mbajt edicioni i 16-të i kësaj ngjarjeje të përvitshme ku ishte e pranishme në një sesion të veçantë edhe Qendra e Studimeve dhe Publikimeve për Arbëreshët (QSPA).
Që prej 23 prillit të vitit 1995, kjo datë shënon një ngjarje të përvitshme, të organizuar nga UNESCO, për të promovuar librin, të lexuarit, të publikuarit dhe të drejtën autoriale. Në këtë kuadë në një sesion të veçantë në këtë aktivitet, Drejtoresha e Qendrës së Studimeve dhe Publikimeve për Arbëreshët (QSPA), Prof. Diana Kastrati bëri prezantimin e punës 4-vjeçare të qendrës dhe tre hullive kryesore në të cilën zhvillohet puna që janë studimet, publikimet dhe aktivitetet kulturologjike. Më pas është ndalur në prezantimit të FEL-it, revistës Continuum dhe Kuvendeve të realizuar nga QSPA me fokus bjerrjen e arbërishtjes. Më tej studiuesit Jolanda Lika ka bërë prezantimet e veprave të botuara në fushën e letërsisë, dr. Silvana Nini ka bërë prezantimin e botimeve në fushën e Etnologjisë, dr. Vilma Proko ka bërë prezantimin e botimeve në fushën e gjuhësisë dhe dr. Fabio Rocchi ka bërë prezantimin e strategjisë së QSPA-së për narrativën bashkëkohore arbëreshe.
Pedagogët dhe studentët e pranishëm në sallë shfaqën interes mbi botimet dhe studimet e qendrës, dhe ngritën pyetjen e marrjes së kopjes së librave, të cilës Prof.Kastrati i është përgjigjur që mund t’i konsultojnë dhe shkarkojnë prej faqes online të QSPA, por edhe mund t’i shfletojnë në bibliotekën dhe departametet e fakutetit ku zhvillohej aktiviteti.
