Drejtoresha Ekzekutive e QSPA-së, prof. Diana Kastrati ka zhvilluar një takim zyrtar me drejtorin e Bibliotekës së Akademisë së Shkencave dhe Arteve të Kosovës (ASHAK), Z. Hilmi Zogjani.
Takimi është mbajtur në kuadër të vënies në zbatim të memorandumit të bashkëpunimit mes Qendrës së Studimeve dhe Publikimeve për Arbëreshët (QSPA) dhe ASHAK-ut, ku një nga pikat kryesore të bashkëpunimit lidhet me shkëmbimin e botimeve shkencore ndërinstitucionale.
Drejtori i Bibliotekës së ASHAK-ut, Z. Zogjani, pas një prezantimi të detajuar të botimeve ndër vite, ka vënë në dispozicion një listë të plotë të librave studimorë të këtij institucioni, në mënyrë që të përzgjidhen të gjithë titujt e librave mbi Arbëreshët, apo mbi aspekte që ndihmojnë në metodologjinë e punës dhe formimin e përgjithshëm akademik. Pas zgjedhjes së rreth 100 titujve të librave, pritet që ky kontingjent teksesh studimore të mbërrijë së shpejti në mjediset e QSPA-së në Tiranë.
