Botohet numri i parë i revistës shkencore “Continuum”

Botohet numri i parë i revistës shkencore “Continuum”, organ i pavarur vjetor i Qendrës së Studimeve dhe Publikimeve për Arbëreshët (QSPA).
Revista është konceptuar në përputhje me misionin e Qendrës së Studimeve dhe Publikimeve për Arbëreshët (QSPA), si pjesë e botimit të studimeve të specializuara për historinë, gjuhën, letërsinë dhe kulturën e komunitetit arbëresh. Në këtë kuadër, revista synon të nxisë bashkëpunimin mes studiuesve vendas dhe atyre në Diasporë e më gjerë, me qëllim mbështetjen dhe zhvillimin e strukturës së studimeve mbi komunitetin arbëresh, dhe shërben si një forum për shkëmbimin e ideve dhe debateve shkencore. Realizimi i saj bëhet i mundur nga Drejtoria e Studimeve dhe Publikimeve pranë QSPA, në bashkëpunim dhe me studiues të tjerë brenda dhe jashtë vendit.
Zgjedhja e titullit nga latinishtja “Continuum” (“Vijimësia”), mëton të ngërthejë një simbolikë të dyfishtë: nga njëra anë, lidhjen e pashkëputur ndonjëherë të arbëreshëve nga trungu amë, pavarësisht aspektit fizik territorial dhe, nga ana tjetër, vijimësinë që kjo Qendër Studimesh dhe Publikimesh synon të realizojë.
Revistën e plotë në versionin online, mund ta gjeni në linkun vijues:
https://qspa.gov.al/continuum/