Në Bibliotekën Кombëtare “Kliment Ohridski” në Shkup, me rastin e 5-vjetorit të themelimit të Universitetit “Nënë Tereza” është mbajtur sot një ceremoni për promovimin e gjashtë botimeve të realizuara nga anëtarët e stafit akademik të këtij institucioni. Ndër të tjera u promovua libri i studiuesit prof. dr. Mustafa Ibrahimi, me titull: “Në Kalabri me Arbëreshët”, i përbërë nga 23 reportazhe të realizuara nga autori në vendbanimet e arbëreshëve në Italinë e Jugut. Në këtë aktivitetet mbajti fjalën përshëndetëse edhe Drejtoresha Ekzekutive e QSPA -së, prof. Diana Kastrati. Mbi librin e Ibrahimit foli në rolin e promovuesit studiuesi Vehbi Bexheti, i cili është anëtar i Bordit Shkencor të Revistës Shkencore të QSPA “Continuum”. Sot pasdite do të vijojnë aktivitete shkencore ku është e ftuar Drejtoresha Diana Kastrati së bashku me studiuesit Vilma Proko dhe Edmond Cane.
Dita Botërore të Librit dhe të Drejtës së Autorit
Në kuadër të Ditës Botërore të Librit dhe të Drejtës së Autorit, sot më 23 prill pranë Fakultetit të Historisë...