Qendra e Studimeve dhe Publikimeve për Arbëreshët (QSPA) në bashkëpunim me Departamentin e Gjuhësisë të Fakultetit të Historisë dhe të Filologjisë në Universitetin e Tiranës organizojnë veprimtarinë e radhës me temë: “Giovanni Belluscio, kontributi i poliedrikut arbëresh të kohëve tona”.
Takimi online do të mbahet ditën e hënë, me datë 12 prill, ora 11.00 në mjediset e QSPA-së. Për të nxjerrë në pah kontributin e shumëfishtë të këtij personaliteti të botës arbëreshe, me rastin 1-vjetorit të largimit të tij nga kjo botë do të flasin studiuesit e mirënjohur: Prof. Shezai Rrokaj, prof. Klara Kodra, Prof. Aljula Jubani dhe prof. Diana Kastrati. Nën moderimin e studiueses Vilma Proko pritet që kumtuesit të sjellin përmes ligjëratës së tyre aspektet kryesore të punës dhe veprimtarisë krijuese të Giovanni Belluscio-s.
Ju mirëpresim ditën e hënë!
