Qendra e Studimeve dhe Publikimeve për Arbëreshët (QSPA) do të jetë pjesë e agjendës së Sallonit Ndërkombëtar të Librit në Torino, Itali.

Këtë vit Shqipëria do të jetë në vendin të ftuarit të nderit, në Panairin Ndërkombëtar të Librit që do të organizohet në Torino, Itali në datat 18-22 maj 2023. Ndërsa më 21 maj 2023, në orën 18.00 në sallën ‘Albania’ po në Torino, do të zhvillohet një takim i dedikuar për QSPA, e cila do të përfaqësohet nga Drejtorja Ekzekutive e saj, Diana Kastrati dhe nga tre prej studiuesve të qendrës, Silvana Nini, Dorina Arapi dhe Rudina Hoxha (Duraj). Ky takim është një aktivitet prezantues mbi veprimtarinë dhe botimet e qendrës në një hark kohor trevjeçar, si një strukturë koordinuese për të promovuar kulturën dhe trashëgimininë e arbëreshëve të Italisë. Në këtë takim, si dhe gjatë gjithë programit të Panairit do të jenë gjithashtu të pranishëm autorë e studiues shqiptarë që përfaqësojnë Shqipërinë në Panairin Ndërkombëtar e Librit në Torino. Artikullin e plotë nga Anna Latanzi për Albania Letteraria e ndiqni si më poshtë