Data 6 qershor, brenda javës italiane të kulturës (1-7 qershor) iu dedikua arbëreshëve, të cilët përbëjnë një ndër komunitetet më të mëdha etnike të diasporës historike shqiptare që ndodhet në Itali. Një prej veprimtarive kryesore të kësaj dite ishte kuvendi “Trashëgimia kulturore arbëreshe dhe roli i saj në lidhjet historike italo-shqiptare”, i cili pati bashkëideator, organizator e mbështetës një seri institucionesh, mes të cilave edhe Qendrën e Studimeve dhe Publikimeve për Arbëreshët (QSPA). Rrugët e Tiranës u ndriçuan nga shumëngjyrësia e kostumeve arbëreshe dhe nga tingujt e ëmbël arbërisht, si një nga variantet arkaike të gjuhës shqipe, që ka arritur të ruhet e trashëgohet nga brezi në brez për 6 shekuj me radhë.
