Vizita treditore në Pulja e Drejtoreshës Ekzekutive të Qendrës së Studimeve dhe Publikimeve për Arbëreshët (QSPA), Prof. Diana Kastrati dhe Dr. Rudina Duraj (Hoxha) vijoi në komunën e Cassalvechio di Puglia (Kazallveq), në ambientet e kësaj bashkie, në një tryezë të rrumbullakët me praninë e kryetarit të bashkisë z. Noe Andreano, stafit të bashkisë dhe përfaqësues të shoqatave arbëreshe në ambientet e kësaj bashkie. Në një bisedë interesante, të pranishmit u ndalën te rëndësia e mësimit të arbërishtes në shkolla në fasha të ndryshme moshore.
