Parlamenti ka votuar ditën e sotme pro ndryshimeve në Ligjin për Diasporën, ndryshim ky që ka ardhur si rrjedhojë e krijimit të strukturave të reja për Diasporën, një prej të cilave është edhe Qendra e Studimeve dhe Publikimeve për Arbëreshët.
Qendra e cila nisi punën në janar të këtij viti, ka në fokus kryerjen e studimeve të specializuara për historinë, letërsinë dhe kulturën e komunitetit arbëreshe siç janë arbëreshët e Italisë dhe të Zarës së Kroacisë.
Nisur nga qëllimi i forcimit të lidhjes me vendin e origjinës dhe njohjen e gjuhës e të kulturës shqiptare Ligji i ndryshuar për Diasporën, parashikon gjithashtu dhënien e bursave studentëve nga komunitetet shqiptare të Diasporës për të studiuar në universitetet e Republikës së Shqipërisë.
Burimi origjinal: https://diasporashqiptare.al/2020/07/16/parlamenti-miraton-ndryshimet-ne-ligjin-per-diasporen/
