Në vazhdën e takimeve dhe vizitave që bëjnë arbëreshët nga zonat e ndryshme të Italisë, Vincenzo Cuccia arbëresh nga Maschito, por që jeton në Torino aktivist i spikatur i shoqatës Vatra Arbëreshe – Associazione di Coordinamento degli arbëreshë in Piemonte, në provincën e Torinos erdhi sot në zyrat e Qendrës së Studimeve dhe Publikimeve për Arbëreshët (QSPA) për të takuar drejtoreshën ekzekutive Prof. Diana Kastrati dhe stafin e QSPA për të dhuruar disa libra mbi arbëreshët.
Librat e dhuruar përfshijnë titujt: Antologia delle 10 Edizioni di poesia in lingua Arbëreshe (italo-albanese) Premio Nazionale “Principe Giorgio Castriota Skanderbeg”; Studio antropologico della comunità arbëreshe della provincia di Torino, a cura di Antonio Tagarelli, LibrAre; L’orgoglio dell’ appartenenza: Storia, cultura, tradizioni di una comunità arbëresh; Minoranze linguistiche Storiche: Tutela delle minoranze linguistiche fuori dagli insediamenti originari, Atti del Convegno Nazionale, Chieri 6-7 dicembre 2003.
Në fund të vizitës së këndshme, Z. Cucci iu dhuruan librat e botuar nga Qendra e Studimeve dhe Publikimeve për Arbëreshët (QSPA). Ky këmbim librash u bë në prag të Panairit të 25-të të Librit “Tirana 2022”, i cili fillon nesër më 16 nëntor, ku QSPA do të ketë stendën e saj në të cilën do të prezantohen të gjithë titujt e botuar.
