Kujtojmë sot në 470-vjetorin e lindjes strategun dhe mjeshtrin e artit ushtarak Gjergj Basta. Ai konsiderohet si një nga gjeneralët dhe teoricienët më të suksesshëm ushtarakë në të gjithë botën. Lindi në një familje arbëreshe, të vendosur në fshatin Rokaforcata (Roccaforzata), pranë Tarantos (Itali).
Gjergj Basta shkroi tri vepra teorike dhe praktike ushtarake, të cilat u njohën gjerësisht në Europë, përkatësisht: “Il maestro di campo generale” (“Mjeshtri i kampit të përgjithshëm”, 1606); “Governo della cavalleria leggera” (“Për drejtimin e kalorësisë së lehtë”, 1612) dhe “Mbi drejtimin e artilerisë” (1612). Ato u përkthyen nga italishtja, u botuan dhe u ribotuan frëngjisht, gjermanisht, spanjisht që nga shek. XVII deri në ditët tona; dy të parat u botuan shqip më 1996. Figura e Gjergj Bastës u bë e njohur në Shqipëri në vitin 1966 nga historiani Dhimitër Pilika, i cili botoi në revistën “Ylli” dokumentet e gjetura në arkivin e Pragës mbi këtë personalitet shqiptar:
