Kujtojmë sot me rastin e 100-vjetorit të lindjes apostullin e gjuhës dhe të kulturës arbëreshe, autorin e Fjalorit të parë shpjegues të gjuhës arbëreshe, Emanuele Giordano.
Ai lindi në Frascineto në vitin 1920, ku edhe ndoqi shkollën fillore. Më pas vijoi shkollën e mesme në Benedikti XV Grottaferrata (Romë) për filozofi dhe teologji. Giordano u kthye sërish në kishën e qytetit arbëresh në Lungro, ku kreu reforma të thella dhe ku në 1968 u vendos që mesha në kishë të mbahej në gjuhën shqipe.
Ai bashkëpunoi me revistën e Ernest Koliqit “Shejzat” dhe revistën “Zgjimi” e Albino Grecos.
Në vitin 1963 publikoi “Fjalori i Arbëreshvet t’Italisë”, fjalor me 19 mijë fjalë e njësi leksikore.
Në vitin 1967, ai botoi “Shpata dhe Skanderbekut Nde Dibrët Poshte”.
Në vitin 1972, drejtoi revistën kulturore “Zëri i Arbëreshvet” (La voce degli Albanesi d’Italia) dhe në vitin 2000, botoi “Alfabetizzazione Arbëreshe” (Shkrimi dhe leximi Arbëresh), libër që u shpërnda falas për të gjithë fëmijët arbëreshë të Italisë. Intervista vijuese, tregon se si e shihte ai fatin e arbërishtes:
Burimi origjinal: https://diasporashqiptare.al/2020/05/30/trashegimia-gjuhesore-e-arberesheve-te-italise/
